اهلا بالسوريين
من قدييم الازل ورجالتنا المصريين بيزلونا ويقولولنا لو ماتعدلتوش يا ستات مصر هنتجوز عليكم بنات سوريين واحنا قال ايه نزعل ونتقمص ونقعد نتخيل جوزنا المصري الاصيل وهو رايح سوريا وبكل ترحاب ينقولو اجمل واحده في بناتهم ويجوزوهالوا واحنا يعيني منلقاش حد يعبرنا وهما ياكلوا تبوله وفتوش ومناقيش ويتدلعوا ليل ونهار
اكيد الحورات دي اشتغلت في كل البيوت المصريه بلا استثناء ورجالتنا الافاضل كانوا بيضحكوا علينا بكلام زي ان المصري معروف بجبروته وان الراجل المصري لما يروح اي حته في العالم الستات بتتهافت عليه وكأنه ليمونه في بلد قرفانه
صراحه انا واحده من الستات اللي كان بينضحك عليا بالكلام ده
بس النهارده شفت موقف أكدلي ان اللي فات من عمري حماده والجاي حماده تاني خالص
ليست هناك تعليقات:
إرسال تعليق